Prishtinë, 14 prill - Mbrojtësit Bashkim Ahmetit i është hequr suspendimi nga drejtuesit e skuadrës së Hysit. Ai ditë më parë ishte dënuar nga Kryesia e Klubit, me arsyen për mosdisiplinë në trening dhe para e gjatë takimit me Prishtinën.

“Jam i kënaqur që drejtuesit e klubit më kanë hequr suspendimin. Mendoj se nuk e kam merituar të suspendohem. Të martën kam qenë i pranishëm në trening, kurse shpresoj të luaj kundër Vëllaznimit. Do ta jap maksimumin nga vetja që t’i ndihmoj skuadrës për suksese të reja”, ka thënë Bashkim Ahmeti. Kontrata e Ahmetit përfundon në fund të kampionatit, por tash ekziston mundësia që mbrojtësi ta vazhdojë kontratën me skuadrën nga Merdara.

Veton Zymberi