Futbollistët e skuadrës së Dritës me autogolin e shënuar në përballjen me Shkëndijën kanë shënuar një rekord të zi sa iu përket golave të shënuar në portën e tyre. Këta në ndeshjen e djeshme me Shkëndijën, e shënuan autogolin e pestë ashtu që të gjithë autogolat kjo skuadër i ka shënuar në terren vendas. Këta mbajnë edhe rekordin e zi tre autogola të shënuar në një ndeshje edhe atë në përballjen kampionale me Renovën, por në listën e futbollistëve që kanë tundur rrjetën e tyre u regjistrua edhe portieri Basnarkov. Ky në vend që të ishte hero i përballjes me Shkëndijën, pas autogolit të shënuar në minutën e katërt të kohës shtesë u transferua në futbollistin tragjik për Dritën. Asnjë skuadër në elitën e futbollit evropian deri më tani nuk ka shënuar pesë gola për një sezon, ndërsa futbollistëve të Dritës kjo iu shkoi përdore brenda 45-ditëve.