Kapiteni i kombëtares shqiptare në futboll, Lorik Cana ka shqetësuar tej mase drejtuesit e Lazios, por edhe të kombëtares shqiptare. Ai pësoi një lëndim në stërvitje dhe rikthimi i tij në formën e mëparshme ende nuk dihet.

Shqipëria javën e ardhshme brenda katër ditësh do të zhvilloi dy ndeshje të rëndësishme në kuadër të eliminatorëve për kampionatin botërorë që do të mbahet pas dy vjetësh në Brazil.

Me 7-shtator Shqipëria do te luaje ne stadiumin kombëtar “Qemal Stafa”,  me Qipron, ndërsa katër ditë më vonë do te luaj me Zvicrën ne trasfert. Shqetësuese për drejtuesit kuqezi është një dëmtim që ka pësuar kapiteni, Lorik Cana. Ai konsiderohet ndër shtyllat e ekipit kombëtares, por edhe të Lazios, e cila ka njoftuar këtë lajm nëpërmjet mjekut të klubit, Stefano Salvatori.

“Cana ka dëmtuar pulpën e këmbës së djathtë dhe për këtë shkak ka bere stervitje në ujë, duke kryer ushtrime çlodhëse. Shqetësuese është fakti që ai vazhdon të ndiej dhimbje dhe nëse nuk e tejkalon këtë dhimbje atëherë duhet ti bëjmë një rezonancë për të verifikuar cili është problemi i vërtet i lëndimit”.

Cana për shkak këtij lëndimi pritet të jetë mungesa e Lazios në ndeshjen kundër Muras që do ta zhvillohet sot në kuadër të Europa Ligës.