Pas dy ndeshjeve te para eliminatore te botërorit ndaj Qipros dhe Zvicrës, tekniku i Kuqezinjve Xhani de Biazi i cili u largua menjëherë drejt Italisë pas përfundimit te takimit ne Lucerne ka kërkuar te frenoje entuziazmin e gjithkujt duke deklaruar ne një interviste për faqen sportive “Tutomercato Web” se ne grupin e Shqipëria hyn ne listën e trete te ekipeve për nga fortësia. Tekniku Italian nuk ka qene dakord me gazetarin se ky grup është i ekuilibruar pas rezultateve te para ndërsa pas Zvicrës lufta për vendin e dyte mbetet e hapur.

“Është akoma shpejt për ta thëne. Besoj se Zvicra është favoritja absolute e grupit ndërsa pas krahëve te saj janë Sllovenia dhe Norvegjia. Pastaj jemi ne me Islandën dhe Qipron me këto skuadra qe do te na bezdisin vazhdimisht. Me Zvicrën bëme një ndeshje te mire ashtu si katër dite me Qipron. Por ne Lucerne morëm me pak se ç’meritonim”.

Ne fund te intervistës trajneri De Biazi ka dhëne nota pozitive për tre lojtaret qe luajnë ne serine A, Samir Ujkani, Lorik Cana dhe Erjon Bogdani. Dy takimet e radhës për kombëtaren do te jene ne shtëpi ne muajin tetor. Ne datën 12 ndaj Islandës dhe 4 dite me vone përballe Sllovenisë.