Nuk ka mjaftuar koha e rregullt per te vendosur fituesin e Kupes se 61-te te Shqiperise. Dukej se as shtesa nuk do te bente pune por pak para fundit, Laci ka shenuar golin qe do te fiksohet ne histori. Emiljano Cela ka shfrytezuar nje goditje kros brenda zones nga kapiteni Vucaj dhe ka mposhtur portierin Stivi Frasheri. Shtate mije lacian kane festuar zhurmshem dhe kane prekur qiellin e shtate kur kane kuptuar se do te ishin ata fituesit e Kupes se Shqiperise per here te pare ne historine e tyre.

Ballshiotet luajten shkelqyer edhe pse ishin me nje lojtar mangut qe prej minutes se 10-te por ne fund u ndeshkuan pa mundur te prekin suksesin qe e enderronin prej vitesh. Tre mije tifoz nga Ballshi u larguan mes loteve pa pritur qe te perfundonte shtesa. Laci arriti te ngrinte lart trofeun, te marre 250 milione leke nga Kupa e Shqiperise dhe mundesine per te luajtur ne Europa Lige. Nje gol i Emiljano Celes ka mjaftuar per te realizuar nje enderr te madhe per kurbinasit. Pas ndeshjes festa e tyre ka vazhduar ne rruget e Tiranes.