Ekipi i Luftetarit te Gjirokastrës u largua me nje pike pas përballjes me ekipin e Beratit ne futboll, pas nje goli ne minutat shtese te takimit. Ekipi beratas ende nuk ka arritur te marr tre-pikeshin e pare ne kete kampionat. Ka qene futbollisti Ofeje, i cili i ka dhene shprese Tomorrit per te marr fitoren e pare duke shenuar golin e avantazhit per Beratin, por ne minutat shtese te takimit, pas nje aksioni te skuadres gjirokastrite, Boci ka arritur te shenoje duke barazuar.

Te vendësit mungonte kapiteni Mile, cka e detyroi trajnerin beratas t’i oientonte mesfushorët e krahut, Ofoje dhe Gjyla, në detyra ofensive, në përpjekje të dëshpëruara për ta gjetur golin. Duke qenë në një pozitë aspak të kënaqshme, teksa e shohin veten të fundit në klasifikim, të rrezikuar së tepërmi për mbijetesën, të besuarit e Muzhait kanë qenë tërë lojës në kërkim të suksesit, por ngarkesa e madhe psikologjike ka pasur ndikim pengues mbi ta. Diferenca prej gjashtë pikësh në klasifikim e bënte këtë sfidë tejet interesante, ku gjirokastritët tentonin distancimin më tepër nga beratasit, ndërsa këta të fundit lakmonin fitoren e parë në kampionat, cka do t’u jepte sadopak shpresë për largim nga zona e ftohtë e renditjes.
Ndërkaq, bluzinjtë vuanin në këtë transfertë jo pak, por katër mungesa. Bëhet fjalë për titullarët e dëmtuar Shameti, Shenaj e Ramadani, si dhe Liçajn, që kishte mbushur numrin tre të kartonëve.

GOLAT: Çarls 78′/ Boci 95′

TOMORI: Llani, Tafaj, Hysko, Rexha (Muzhai 72′), Karamani, Hodo, Elmazi (Paja 71′), Çarls, Arbri, Gjyla (Avdo 61′), Ouej

Trajner: M.Muzhai

LUFTËTARI: Selimaj, Nino (Zholi 84′), Beqiri, Sinani, Boci, Lluka (Stoja 38′), Mersini, Çaço, Nikoliç, Raboshta, Nora

Trajner: E.Martini

KARTONË TË VERDHË: Karamani 33′, Arbri 84′, Gjyla 93′(nga stoli)/ Boci 60′

VËZHGUES: Pajtim Aliko (Vlorë)

DELEGAT: Astrit Maçi (Tiranë)

GJYQTARET: B.Ziri, E.Veseli (Fushë-Krujë), M.Dervishi (Shkodër)