Nuk do të ketë një ministri sportesh, por një lëvizje të re, të paparashikuar më parë. Duke filluar nga muaji Shtator, sporti do të shkëputet nga kultura dhe do t’i bashkohet Ministrisë së Arsimit. Këtë lëvizje e konfirmoi kryeministri i ardhshëm i Shqipërisë, Edi Rama, gjatë prezantimit të strukturës së re të qeverisë së tij, që do të nisë punën pas rreth dy muajsh. Ndryshe nga premtimet elektorale për formimin e një ministrie ekskluzivisht për sportin, qeveria Rama, që pa nisur punë ka shkelur një nga fjalët e thëna.