Partizani është nisur dje drejt Grevenasë për të zhvilluar një fazë të plotë përgatitore, e cila pritet të zgjasë rreth dy javë e gjysmë. Nën drejtimin e trajnerit Lika dhe pjesëtarëve të tjerë të stafit teknik, të kuqtë për herë të parë pas katër vitesh mungesë do të jenë jashtë vendit për t’u përgatitur për sezonin e ri futbollistik, ku do të rikthehen në Superiore. Partizani do të akomodohet jo shumë larg kilometra nga kufiri me Korçën, në zonën e Grevenasë, saktësisht në “Achilio Hotel”. Ambientet e resortit ku do të qëndrojë përgjatë këtyre ditëve nuk kanë një terren të posaçëm për stërvitje, kësisoj lojtarët së bashku me stafin do të udhëtojnë për rreth pesë kilometra çdo ditë për të zhvilluar përgatitjet, të cilat do të jenë intensive. Mësohet se trajneri ka programuar dy seanca në ditë dhe gjithashtu disa miqësore, në të cilat do të shohë nga afër progresin e të tijve. Ndërkohë duhet thënë se grupi dje nuk ka qenë i plotë, pasi dy nigerianët Oshobe Oladele dhe Felix Udo nuk kanë mundur të pajisen në kohë me vizë greke. Pritet që ata t’i marrin vizat të premten, dhe të shtunën të nisen drejt Grevenasë. Gjatë këtyre ditëve, ata do të stërviten me ekipin e të rinjve që drejtohet nga Genc Tomori.

Lojtarët që udhëtuan drejt Greqisë

1. Alban Hoxha
2. Fabio Gjonikaj
3. Labinot Ibrahimi
4. Joanc Duqi
5. Elvis Prençi
6. Besnik Krasniqi
7. Amir Rrahmani
8. Behar Maliqi
9. Ertan Demiraj
10. Mevlan Murati
11. Gëzim Krasniqi
12. Andrelis Pashaj
13. Jozef Thana
14. Endri Lala
15. Salvador Sulçe
16. Julian Malo
17. Herald Marku
18. Klajdi Drita
19. Eugen Zyba
20. Gabriele Mezini
21. Mikelanxho Bardhi
22. Aldo Mitraj
23. Renato Hyshmeri
24. Rei Qilimi
25. Klaudio Çema

Stafi teknik

Hasan Lika Trajner
Klevis DALIPI Zv. Trajner
Perlat MUSTA Zv. Trajner

Stafi mjekësor

Vladimir Poçi Mjek
Ergys Rexha Fizioterapist