Ethet e kampionatit evropian kane përfshirë edhe shqiptaret, pavarësisht se kombëtarja jone e futbollit nuk merr pjese ne finalet e “Euro 2012”. Zhvillimi i një evenimenti te tille ka rritur interesin për baste nga shtresa te ndryshme te shoqërisë, gjë qe nuk ndodhte me pare. Tendenca ne rritje ka arritur ne 30-32 %, ndërsa është vene re qe sa vjen e me shume po vene baste dhe femrat. Por kriza ekonomike ka bere qe te ulet kuota e cila bën qe 1000 euro te jete basti me i larte. Por sa para qarkullojnë shoqëritë e basteve këto dite te nxehta te verës, te ndërthurura edhe me emocionet e ankthin për te fituar, apo zhgënjimin e rezultateve te euro 2012? Evropiani është dhe një rast i mire për shume biznese te cilat lidhin kontrata me shoqëritë e basteve për ti bere me shume reklame biznesit te tyre. Bizneset qe lidhen me tepër me kompanitë e basteve janë kafenetë. Aktualisht ne Shqipëri janë te licencuara 23 shoqëri bastesh, por mendohet se dyfishi i tyre punon ne te zeze. Një shoqëri bastesh ka te deklaruara 140 pika, ndërsa mendohet se me gjithë te padeklaruarat shkon ne 300 numri i tyre, duke e bere Shqipërinë vendin e pare ne bote për raportin mes numrit te popullsisë dhe kompanive te basteve. Një shqiptar harxhon mesatarisht çdo dite 150-leke te reja për te vene një bast sportiv, aq sa harxhon për konsumin e një buke apo një shishe qumështi.