Trajneri i Shqipërisë, Gianni De Biasi, i ka kërkuar edhe pak durim mesfushorit kosovar të Torinos, Migjen Bashës, duke i premtuar se do të bëhet e pamundura që ai të luajë shpejt për Shqipërinë.

Federata Shqiptare e Futbollit ka shprehur mbështetjen e saj për trajnerin De Biasi, duke thënë se ka bërë të pamundurën për ta afruar shqiptarin nga Kosova me Kombëtaren, por kot deri më tash. Gjithë kjo bëhet pak ditë pasi Zvicra ka paralajmëruar se do ta ftojë në përfaqësuese Bashën për ndeshjen e radhës.

Asistenti i trajnerit të Zvicrës, Ottmar Hitzfeldit, Michael Bont, në fundjavë vëzhgoi nga afër lojën e Bashës në derbin torinez, Juventus – Torino dhe pas saj, e njoftoi atë për interesimin e Hitzfeldit.